الرئيسية > ميديا وثقافة > شاط الخير على زعير. عاطين فلوس صحيحة لمؤثرات باش يحضرو في معرض الفرس ديال الجديدة
07/09/2019 22:00 ميديا وثقافة

شاط الخير على زعير. عاطين فلوس صحيحة لمؤثرات باش يحضرو في معرض الفرس ديال الجديدة

شاط الخير على زعير. عاطين فلوس صحيحة لمؤثرات باش يحضرو في معرض الفرس ديال الجديدة

نجوى المالحي-كود//

بعض المؤثرات بداو كيحطو اعلانات ديال حضورهن في معرض الفرس لي كيكون في الجديدة.

هاد الناس لي معيطين ليهم باش يحضرو ولي مخلصينهم فلوس صحيحة كتنطبق عليهم مقولة: “شاط الخير على زعير”، شنو علاقة سيدات نهار ومطال كيحطو تصاور الماكياج واللبس بمعرض عندو تاريخ ومشهور وكيجيو ليه الناس من بعيد.

هاد المؤثرات جايباهم أجونس خاصها تجاوب على سؤال “اشمن تأثير غادي يديرو وسط الخيل؟”. زعما بعض المرات مكيبقاش مفهوم هادشي. والمفروض ديك 10 الاف درهم لي عاطين الوحدة باش تمشي تصور وتحط ليهم ستوريات ودير الاشهار لحاجة مشهورة اصلا يقضيو بيها شي غرض فيه منفعة.

معرض الفرس كيجيو ليه ناس كيبغيو الخيل ويعشقو التبوريدة وكيتبعو الموسم فينما مشا، واخر همهم هو الستوريات ديال الانتسكرام وشحال من واحد دار لايك. وهاد الناس كيجيو بلاما يحتاج حتى واحد يأثر فيهم لا من قريب ولا من بعيد.

موضوعات أخرى

18/09/2019 17:00

إلى تدارت انتخابات فالمغرب بحال لي فتونس ويشارك فيها بنكيران لا منتمي لا شك أنه غادي يكتاسح حيت المغاربة طلعو ليهم الأحزاب فراسهم والسياسي الوحيد لي كان عليه إجماع عندهم راه شافوا كاملين كيفاش تخلى عليه حزبو من أجل السلطة