الرئيسية > الزين والحداكة > شارون ستون ف سيرتها الذاتية: خلصت ديكاپـريو من جيبي!
02/04/2021 03:00 الزين والحداكة

شارون ستون ف سيرتها الذاتية: خلصت ديكاپـريو من جيبي!

شارون ستون ف سيرتها الذاتية: خلصت ديكاپـريو من جيبي!

وكالات //

مازال لوطوبيوكَرافي ديال الممثلة الأمريكية شارون ستون، بعنوان “الجمال فالعيش مرتين  The Beauty of Living Twice”، خالقة الجدل وكتضمن المزيد من المفاجآت، بحيث كشفات نجمة هوليود انها خلصات الممثل ليوناردو دي كابريو من مالها الخاص خلال دورو فأحد الأفلام.

وتكلمات ستون على فيلم “The Quick and the Deed” اللي شاركات فبطولتو وإنتاجو فالتسعينات، وكان ديكابريو ديك لوقيتة فبداية مسيرتو.

وقالت ستون، “حاولت نقنع مسؤولي التصوير بإشراك ليوناردو دي كابريو اللي كان فعمرو فداك الوقت 21 عام فالفيلم، لكن كانو مترددين”.

وزادت أن المسؤولين قالوا ليها علاش يستعنو بشخص مامعروفش، وان فهذشي مغامرة، لكنها أصرات عليه حيت شافت أنه كيستحق هذاك الدور، وفالاختبار كان هو الوحيد من المرشحين اللي قدر يبكي بشكل حقيقي ويتوسل لباه باش يبغؤه ويسامحو فأحد المشاهد المهمة فالفيلم.

واكدات أن موهبة ديكابريو دفعاتها تخلي المسؤولين على الفيلم يوافقو عليه واخا ماقتنعوش بيه مزيان بحالها، لكن فمقابل كان خاصها تدفع فلوسو من مالها الخاص.

موضوعات أخرى

19/04/2021 18:00

اليوتوب ولا وسيلة للاسترزاق بالعاهات و الامراض النفسية نزار السبيتي مثلا كانشوفو خاصو ضروري يتبع عند شي بسيكولوگ ! السيد ماشي نورمال و هاكاك مو و باه و عائلتو مصرين انه يهضرو معاه كأي واحد عادي و كايدعيو “الله يهديه” فحالا المرض النفسي كايداوا بالدعاء!

19/04/2021 17:30

بلادنا هي أول مورد أفريقي لموريتانيا.. و الدزاير كتحلم يصدق ليها الخط البحري مع نواكشوط وهاجس المغرب مزال معشش فمخ نظام العسكر