وكالات//
هزو الممثل الهندي المشهور “شاروخان” للسبيطار في حالة صعيبة، بعدما تعرض لضربة شمس خايبة، وهو كيشوف واحد الماتش ديال الكورة في البلاد ديالو.
على حساب ماقالت الصحافة ديال الهند فشاروخان دخل للسبيطار ديال أحمد آباد، أكبر مدن ولاية كجرات الهندية، وهادشي جا بعدما جاتو أزمة صحية وهو كيشوف الماتش ديال “كولكاتا نايت رايدرز” و”سنريسرز حيدر أباد”، في الدوري الهندي الممتاز.
التقارير الأولى كتقول أن شاروخان تعرض لجفاف حاد بسابب الارتفاع الكبير ديال درجة الحرارة لي وصلات ل 45 درجة.
ولكن الأطباء كيقولو أن الحالة ديالو ولات مستقرة، ومن المرتقب أنه يخرج في أقرب الأوقات.
