كود – عن TV5 -AFP//

جويل بروست كيوجد الخيل ديالو استعدادا لبدأ تصوير الأفلام فالمغرب، بعد توقف طويل فرضاتو جايحة كورونا، بروست سبق خدم كاسكادور فلقطات من أفلام، وهو مصمم مشاهد فأفلام عالمية بحال “ألكسندر” لأولفير ستون، و”كوندون” لمارتن سكورسيزي.

بروست (65 عام) هو فرنسي عايش فالمغرب من الثمانينات، كيدرب الخيل ديالو فمركز للتدريب فمراكش، باش يعلمها كيفاش تجري او تمشي بالشوية، هذ الاحصنة من أصول عربية وهولندية وإسبانية، كتسمع لمدربها وكتمتثل لتعليماتو.

شارك بروست فتصميم مشاهد الخيل فافلام عالمية، بحال “كينگدوم أوف هيڤن” للمخرج ريلدي سكوت عام 2005، و”ذا مامي” لستيفن سومرز، عام 1999، بخيل كيجريو بسرعة، كيف درب نجوم السينما مثل “جوني ديب” و”روبرت باتينسون” على ركوب الخيل ففيلم “ويتينَ فور ذا بارباريانز” لسيرو كَيرا عام 2019.

وبعد سدان الحدود بسباب كورونا، كيتمنى بروست تعاود تحل، وإلا الوضع غيولي معقد كثر، والعام اللي فات كان صعيب عليه بحيث شاركات الخيول ديالو فقط فإعلان ترويجي للسيحة فالمغرب، وفيلم فرنسي، بينما هو فالعادة كيصور فالعام 10 أفلام منذ 8 سنين اللي دخل فيها ميدان السينما..

واليوم كيتسنى بروست مؤشرات بدء تصوير فيلم “ذي ألكيميست”، اللي كيتعتبر ثاني أضخم إنتاج كيتصور فالمغرب بميزانية 21 مليون دولار، بعد السلسلة الأمريكية “هوملاند”، بحسب وسائل إعلام محلية.

والمغرب صور العام اللي فات غير 8 أفلام دولية، بميزانية تقارب 60 مليون درهم، مقابل أكثر من 265 مليون درهم عام 2019.

التفاصيل هنا:

https://information.tv5monde.com/culture/au-maroc-l-homme-qui-murmure-l-oreille-des-chevaux-du-cinema-410204