كود سبور//

فضل الدولي المغربي شادي رياض يمشي من ريال بتيس الاسباني ويلعب فالننگلير مقابل صالير منخفض، ورفض عروض مغرية من السعودية بفلوس كثيرة.

وكشفت مصادر “گود”، ان شادي رياض قبل عرض كريستال بالاس النگليزي بصالير منخفض باش يلعب فالنتگليز، ورفض أرقام خيالية من السعودية.

وحسب نفس المصادر، فالصالير اللي غاياخد شادي رياض من كريستال بالاس هو 135 ألف جنيه إسترليني فالشهر، وتم توقيع العروض يوم 30 ماي الماضي بين اللاعب والفريق النگليزي.

نفس المصادر، وضحت أن الاندية السعودية، كانو عاطين 30 مليون دولار وساخيين يعطيو اكثر، ولكن اللاعب والمحيط ديالو رفضو هاد الانتقال وفضلو الدوري النگليزي ففريق ما عليهش ضغوط كبيرة فحال كريستال بالاس اللي ممكن يطور فيه شادي رياض.