گود سبور//

رجع الدولي المغربي شادي رياض يتريني مع الفريق ديالو كريستال بالاس النگليزي، وواجد باش يلعب وهذا الشي قبل شهر ونص من كاس إفريقيا اللي مشارك فيها المنتخب المغربي.

وأعلن أوليفير گلاسنر مدرب كريستال بالاس، أن شادي رياض غادي يكون ضمن اللائحة ديال الفريق فـ ماتش اليوم الخميس ضد ألكمار الهولندي ضمن منافسات الكونفرونس ليگ.

ويعتبر رجوع شادي رياض للعب خطوة مهمة له وحتى للمنتخب الوطني المغربي، بعد مدة من الغياب بسبب الإصابة، خاصو غير يرجع النيفو ديالو، وهذا الشي قبل 6 السيمانات على انطلاق كاس إفريقيا، خصوصا وأن  الناخب الوطني وليد الرگراگي عندو خيارات قليلة فـ دفاع ليكيب ناسيونال وما كاينش استقرار فيه.