كود – كازا ///

تحول مراهق مغربي كيبلغ من العمر 16 عام إلى حديث الإعلام الإيطالي بسباب الحس الإنساني العالي ديالو واللي خلاه يضحي براسو باش يعتق جوج ديال الأشخاص من الغرق.

كان الشاب مع صحابو حدا قناة لوغونوفو وشاف 2 ديال الأشخاص وسط الما كيغوثو باش يعتقهم شي واحد. الضحية واخا ماشي سباح واعر لاح راسو ف الما باش يعتقهم.

وحسب تقارير إخبارية، تمكن الشاب المغربي مع شخص آخر من الوصول إلى الضحايا اللي تنقذو، لكن المراهق المغربي جرو تيار قوي وسط القناة. وبعد تدخل مصالح الإنقاذ تم انتشال الجثة ديالو.

وباءت محاولات إنعاشه بالفشل. ونُقلت جثته إلى معهد الطب الشرعي بمستشفى كونا لتحديد ملابسات هاذ المأساة اللي راجعاتو منو بطل ف الطاليان، لكن المقابل كانت حياتو..