كود كازا//

رئيس حزب “الجمهوريون” الفرنسي اليميني، إريك سيوتي، عطى القاصح للجزائر ووصفها “دولة مارقة – Etat Voyou”.

وقال النائب البرلماني الفرنسي، فتصريح لقناة ”BFM” ان فرنسا خاص من دابا ماتبقاش تعطي الفيزات للمواطنين الجزائريين، ما دام بلادهم كترفض التعاون فاستعادة المواطنين ديالها اللي كيشكلو خطر..

وهضر سيوتي، فالتصريحات ديالو اللي عطاهم البارح على هامش المعرض الدولي للفلاحة فباريس ، على الهجوم الإرهابي اللي وقع السبت اللي فات فمولوز شرق فرنسا، واللي تسبب فمقتل شخص وإصابة آخرين. واكد أن منفذ الهجوم جزائري كينتمي لتنظيم القاعدة.

واضاف انه ضروري تتعزز مراقبة الحدود ويدار حد للهجرة الجماعية..

وختم سيوتي تصريحو بتوجيه دعوة للحكومة الفرنسية لاتخاذ إجراءات ضد الجزائر.