الرئيسية > آش واقع > سيناريو العيد الكبير يقدر يتعاود ف جهة كازا.. الوضع ماكيفرحش ف أقسام الإنعاش اللي بدات كتعمر و تعاودو تحلو آخرين من جديد.. وحالات الإصابة بالسلالة الجديدة ديال كورونا ف تزايد
07/04/2021 16:30 آش واقع

سيناريو العيد الكبير يقدر يتعاود ف جهة كازا.. الوضع ماكيفرحش ف أقسام الإنعاش اللي بدات كتعمر و تعاودو تحلو آخرين من جديد.. وحالات الإصابة بالسلالة الجديدة ديال كورونا ف تزايد

سيناريو العيد الكبير يقدر يتعاود ف جهة كازا.. الوضع ماكيفرحش ف أقسام الإنعاش اللي بدات كتعمر و تعاودو تحلو آخرين من جديد.. وحالات الإصابة بالسلالة الجديدة ديال كورونا ف تزايد

أنس العمري – كود //

جهة كازا غادية فالطريق لاحتمال مواجهة سيناريو يونيو الوبائي المرعب.

البروفيسور حسين بارو، رئيس قسم الإنعاش والتخدير بالمركز الاستشفائي الجامعي ابن رشد بالدار البيضاء، كشف أن الوضعية حاليا في أقسام الإنعاش ماكتفرحش.

وأضاف، خلال استضافته في نشرة ظهيرة اليوم الأربعاء للقناة الثانية “دوزيم”، «كنتمنا مانوصلوش لسيناريو العيد لكبير، ولكن إلى بقينا غاديين هاكا غانعاودوه»، وزاد موضحا «الوضعية ماكتفرحش.. كل يوم تتوافد علينا 3 أو 4 حالات خطيرة، والذين 50 في المائة منهم يوضعون تحت التنفس الاصصناعي الاختراقي مع الدخلة للصبيطار».

وذكر البروفيسور حسين بارو، أن متوسط معدل هذه الحالات هو 45 سنة، وهذا يبين أن الشباب معرضين أيضا لمواجهة مضاعفات خطيرة نتيجة الإصابة بهاد الفيروس.

وقال «أقسام الإنعاش عمرات وأعدنا فتح أخرى من جديد و اللي كانت مابقاتش الحاجة ليها.. كنت كنتمناو نسدو كلشي ونرجعو للحالة الطبيعية، ولكن مع كل الأسف كنعاودو نحلو هاديك الأقسام ملي بدينا نستقبلو 3 أو 4 الحالات ف النهار. وكيفما كتعرفو أن كل مريض من هذه الحالات كيبقى فالإنعاش 3 حتى 4 سيمانات للتعافي من الفيروس».

وأرجع الارتفاع المفاجئ في عدد الإصابات في الجهة، والتي شهدت في حصيلة أمس تسجيل 528 إصابة من أصل 696 المكتشفة على صعيد المملكة، إلى حالة التراخي التي باتت سائدة. ومضى موضحا «أنا لا أستغرب للأرقام المسجلة. حيت كاين تراخي.. الناس دخلات لدماغها أن “كوفيد-19” سالا وجا الفاكسان وأننا الناس ملقحة ماغاديش نمرضو.. وهذا خطأ كبير.. المواطن خاصو يوعى أنه مسؤول وأن كل واحد يقدر يكون حامل للفيروس.. وخاصو يلتزم بالتدابير الوقائية».

موضوعات أخرى

22/04/2021 13:50

التقارب المغربي الأمريكي ومناورات الأسد الأفريقي خوفو نظام العسكر.. روسيا والدزاير غايديرو مناورات عسكرية ف سبتمبر الجاي

22/04/2021 13:00

نايضا فالبرلمان على تقنين الكيف.. البي جي دي طلب من لفتيت يكشف على “دراسة” آثر الجدوى من التقنين قبل المناقشة وباغي مهمة استطلاعية حول وضعية المزارعين

22/04/2021 12:30

المزايدات السياسية.. الاستقلال هو أول حزب جاب نظام التوظيف بالتعاقد ونزار بركة اعتبرو فـ2016 حل استعجالي ودبا باغي يحيدو.. وخبير اقتصادي لـ”كود”: التعاقد هو المستقبل