كود سبور//
مشاو الوداد الرياضي اليوم الاحد فالعشية يتدربو فتنزانيا استعدادا لمواجهة سيمبا ضمن الجولة الرابعة من دور مجموعات دوري أبطال إفريقيا، وسط استفزازات من الفريق التنزاني.
وتفاجأت مكونات الوداد الرياضي بتوفير مسؤولين سيمبا التنزاني لتيران كارثي لتداريب الوداد الرياضي، الشي اللي خلا إدارة الواك تتدخل وتقلب على ملعب تداريب آخر بالإضافة إلى مراسلتها للكاف احتجاجا على المعاملة المستفزة لمسؤولين سيمبا واستقبالهم اللي ما شي فالمستوى، وراه مسؤولين بعثة الواك رادين البال لأي حاجة كتخص الفريق سوا ماكلة أو تداريب وشكون كيدخل ويخرج من لوطيل باش يأمنو اللاعبين تجنبا لأي مفاجأت.
الوداد الرياضي كيديرو فهاد اللحظات الحصة التدريبية فدار السلام تحت المدرب الجديد التونسي فوزي البنزرتي، واللي بدا المرحلة ديالو الجديدة مع الفريق بصفحة بيضا مع كاع اللاعبين.