گود سبور//

نجح سيمبا التنزاني فتغيير موعد ماتش روتور فينال كأس الكونفيدرالية الإفريقية لكرة القدم، بعدما فشل فتغيير تيران الماتش اللي غايبقى فزنجبار.

وبعد ضغط سيمبا على الاتحاد الأفريقي لكرة القدم والرئيس ديالو الجنوب إفريقي باتريس موتسيبي، قرر الأخير يدير الخاطر للفريق التنزاني، ويبدل توقيت ماتش روتور الفينال ضد نهضة بركان من 4 العشية بالتوقيت التنزاني اللي هي 6 العشية بالتوقيت المغربي إلى 2 ديال النهار بالتوقيت التنزاني اللي هي 4 العصر بالتوقيت المغربي.

وحاولو سيمبا يبدلو حتى تيران الفينال من ملعب أمان بجزيرة زنجبار التنزانية إلى تيران بنجامين مكابا بالعاصمة التنزانية دار السلام، اللي فيها معقل الفريق والجمهور ديالو، ولدرجة انهم خرجو بلاغ مفبرك فيه توقيع الكاف، ولكن الأخير رفض تغيير مكان الماتش وتبرأ من البلاغ الكاذب وكذبو.