كود- Femmes du Maroc //

مهرجان اسبوع القفطان 2026، تحت شعار “نَفَس الأطلس”، كيعلن على انطلاق باب المشاركة للمصممين اللي باغين يقدمو تصاميمهم فالدورة السادسة والعشرين من 7 حتى 10 ماي 2026. هاد الدورة كتجمع بين جمال الطبيعة والتقاليد الأمازيغية العريقة، وكتدعو المصممين لاستلهام عناصر الأطلس فالألوان والرموز والتقنيات التقليدية.

الألوان الطبيعية غادي تكون محور التصاميم هيالأحمر الغامق من تراب الجبال، القهوي من قصبات الطين، الرمادي الغرانيت من الصخور، الأخضر من أشجار الأركان، الأبيض البلوري للثلوج، والأزرق الغامق ديال السماء فالليل. هاد الألوان غادي تساعد المصممين يصنعو قطع فنية متناسقة وملهمة تعكس صلابة الجبال ونعومة الطبيعة.

الأطلس كتقول المجلة انه كيعكس التراث غني بالمنسوجات الأمازيغية المزينة بالخطوط الهندسية والتطريزات اليدوية، اللي كتعاود قصص المنطقة وعراقتها. المهرجان كيشجع المصممين على دمج هاد العناصر التقليدية فإبداعاتهم باش تكون القطع أصيلة وراقية.

المصممين المهتمين خاصهم يرسلو السيرة الذاتية، ملف الأعمال السابقة، وثلاث رسومات تصميمية مستوحاة من موضوع “نَفَس الأطلس” على العنوان: 18 شارع المسيرة الخضراء، المعارض، الدار البيضاء، قبل الاثنين 05 يناير 2026 على الساعة 17:00. للاستفسار: 0522.34.72.22. المهرجان كيؤكد أن هاد الثيمة رحلة فنية كتحتفل بالحرية والألوان المتجددة وكتدعو للحوار بين السما والأرض.