گود- كازا//

خرجت ما يعرف بـ حركة “جيلZ” للاحتجاج بمدينة الدار البيضاء، اليوم السبت حسب الموعد اللي كانو دايرين يخرجو يحتجو فيه هاد الشباب اللي المنتمين لها الحركة واللي تقريبا سيمانا وهما يوجدو لها.

اليوم السبت 18 شتنبر، خرجو شباب بمدينة الدار البيضاء بحال مدن مغربية أخرى، ضمن ما يعرف بحركة “جيل Z”، وكانت الوجهة ديالهم هي ساحة ماريشال بقلب العاصمة الاقتصادية للمملكة.

المحتجين غوتو واحتجو على وضع الصحة والتعليم وطالبو بإصلاحهم وطالبو ايضاً بخلق فرص الشغل ورحيل الحكومة وإسقاط الفساد، حسب ما كانو كايقولو وطالبو بالحرية للمظلومين وهزو العلم الفلسطيني وكانت أعدادهم متوسطة مقارنة الوقفات اللي فاتت، وداز الأمور بسلام وبالمقابل كانت السلطات واقفة على شغلها وتؤمن المرافق العمومية والخاصة باش كلشي يدور مزيان.

وللإشارة فالموقفات ديال “جيلZ” فـ كازا وعدد من المدن المغربية اليوم السبت، غاب عليها التيار الأمازيغي داخل “جيلZ” بسبب رفضهم ما اعتبروه وصاية من شي جهات، واكدو ان الأمازيغية هي هوية وجوهر المغاربة.