وكالات//

بعد الظهور ديالها الواعر والمؤثر في افتتاح الألعاب الأولمبية الأخيرة في باريس، كتستعد النجمة العالمية سيلين ديون أنها ترجع للأضواء من جديد.

وعلى حساب ماقالت تقارير صحفية فرانساوية، فالنجمة الكندية خدامة على 2 بروجيات واعرين، غادي تفاجأ بيهم الجمهور ديالها فعام 2025.

وأكدات نفس التقارير أن سيلين ديون غادي تبان في لوك جديد، وغادي تدير ألبوم باللغة الإنجليزية غادي تقدم بيه الأغاني المعروفة ديالها بطريقة جديدة وبمساعدة نجوم جداد.

والثاني بالفرنسية غادي يشارك فيه الموسيقار الشهير جان جاك غولدمان، لي دار ليها أغاني واعرة بحال S’il suffisait d’aimer.

وكانت سيلين ديون توقفات بزز منها على الغنا من عام 2020 بعدما مرضات، ولكن بان أن حالتها تحسنات وعوالة ترجع بقوة.