وكالات//

فرانسيا رايسا، الممثلة اللي تبرعات بكليتها لسيلينا غوميز فـ2017، هدرات مؤخراً على الشائعات اللي كتقول كاين مشكل بينها وبين سيلينا ووصفتها بأنها “غير شائعات”.

فواحد اللقاء، نفات رايسا وجود أي خلاف مع سيلينا، وقالت بلي التبرع بالكلى كان فعل كريم بلا ما تنتظر شي مقابل. عبرات على فرحتها بزفاف غوميز من بيني بلانكو، رغم أنها ما عيطاتش ليها للحفل اللي حضروه بزاف ديال النجوم بحال تايلور سويفت، إد شيران، وزملاء غوميز فالمسلسل Only Murders in the Buildin.

وشرحات رايسا أن التبرع بالأعضاء بحال التبرع بالفلوس للجمعيات الخيرية، وقالت: “إلا تبرعت بدولار، ما غاديش يتاصل بيك باش يعرف أش واقع معاه”. وأكدت أنها ما تقلقاتش من غوميز كيف قالت بعض التقارير، خصوصًا فطريقة عيش غوميز بعد العملية. وقالت إن العلاقة ديالهم هادئة وما كيهضروش بزاف على هاد الموضوع، ولكن ممكن يهضرو عليه شي نهار.

الممثلات بجوج تقاربو بعدما تبرعات رايسا بكليتها لسيلينا اللي كتعايش مع مرض الذئبة الحمراء اللي تسبّب فتلف كليتها. العملية كانت خطيرة وبجوجهم عاشو فترة صعيبة مع الاكتئاب فالتعافي. ورايسا وغوميز شاركو صور ديال الندوب ديال العملية، وسيلينا دارت حتى هي عملية طارئة بعدما تقطع ليها عرق خلال العملية.