الرئيسية > كود-تيفي > سيف وفرادا قدام ديال نابليون بونابرت تباعو بثمن خيالي فميريكان – فيديو
09/12/2021 02:00 كود-تيفي

سيف وفرادا قدام ديال نابليون بونابرت تباعو بثمن خيالي فميريكان – فيديو

سيف وفرادا قدام ديال نابليون بونابرت تباعو بثمن خيالي فميريكان – فيديو

وكالات //

علنات شركة متخصصة فالمزادات نهار الثلاثاء (7 دجنبر 2021) أنها باعت سيف كان عند نابليون بونابرت ففترة الإنقلاب اللي دار عام 1799 و5 أسلحة نارية أخرى، كان كيملكها الإمبراطور الفرنسي اللي مات هادي 200 عام. كلشي تباع بأكثر من 2,8 مليون دولار في مزاد علني تدار فميريكان.

السيف كان هو أهم قطعة فهاد المزاد، مصاوب في منطقة ڤرساي حدا باريس، وهو اللي شارك بيه نابليون في الإنقلاب الكبير اللي قادو نهار 9 نوقمبر 1799.

وقال رئيس دار “روك أيلاند أوكشن كومباني” الميريكانية (Rock Island Auction Company) اللي نظمات للمزاد، كيفن هوكَان، لوكالة “فرانس برس” أن هاد المجموعة اللي فيها سيف و5 ديال الفرادا مزخرفة، “باعوها لشخص شارك فالمزاد بالتلفون ومابغاش هويتو تتعرف”.

وكانت فرانسا حتافلات العام اللي فات بـ200 عام على وفاة نابليون وتدارت بمناسبة هاد الذكرى عدد من الاحتفالات والأنشطة التكريمية.

موضوعات أخرى