كود سبور//

سيطرو نهضة بركان على احسن تشكيلة لذهاب دومي فينال كاس الكونفدرالية الافريقية، بعدما ربحو شباب قسنطينة برباعية نقية.

وتختارو 7 اللاعبين من نهضة بركان ضمن احسن تشكيلة فلالي ديال دومي فينال كاس الكونفدرالية الافريقية، وهما اسامة المليوي اللي ماركا 2 اهداف على شباب قسنطينة وايوب خيري، وبوف باصين اللي ماركا هدف واحد، وحمزة المساوي، وعادل تاحيف، وايوب عسال، وهيثم منعوت.

ومرشح نهضة بركان بقوة للتتويج بكاس الكونفدرالية، وحط الفريق رجليه الاولى فالفينال، بعدما ربح شباب قسنطينة بـ4-0 البارح الاحد فبركان فالدومي فينال، في انتظار الروتور الويكاند الجاي فالجزائر.