گود سبور//

اعتبر الدولي المالي السابق محمد سيسوكو اللاعب السابق لباريس سان جرمان الفرنسي وليفربول النگليزي، واللي فضل يلعب لمالي على فرنسا، أن الإسباني لامين يامال نجم البارصا، ما كانش خاصو يلعب مع الصبليون.

وفتصريح له تعليقا على العنصرية اللي وقعت فماتش اسبانيا ومصر الودي الثلاثاء الماضي فتيران إسبانيول برشلونة، من طرف واحد الفئة متطرفة من الجمهور تجاه المسلمين، واللي لامين يامال واحد منهم، علق محمد سيسوكو وقال: “كون كنت فبلاصة لامين يامال كنت غادي نعاود نفكر تاني واش نلعب مع الصبليون”.

وخلف حادث العنصرية فماتش اسبانيا ومصر غضب كبير وسط عشاق الكورة فالعالم، لدرجة أن لامين يامال نشر تدوينة على إنستغرام تشكى فيها من الحادث وقال إنه كمسلم ضرو هذا الشي، ورئيس الوزراء الإسباني بيدرو سانشيز حتى هو خرج وعبر على إدانة الحادث وأكد أنه لا تسامح مع المتورطين.

للإشارة فلامين يامال واخا قرر يلعب لإسبانيا بتحراش من الأم ديالو الغينية حيث شخصية باه ضعيفة قدام مو اللي ديما كانت قريبة له كثر، فهو محافظ على تمغرابيت ديالو وكايبغي المغرب بزاف، وهذا الشي بفضل جداه بنت الناضور اللي مهلية فيه بالشهيوات المغربية.