كود  سبور //

سيرجيو راموس، اللي تربى فـ نادي إشبيلية، ولى لاعب حر من 1 يناير 2026 بعد ما سالى العقد ديالو مع رايادوس دي مونتيري فـ المكسيك. دابا كيطمح يدير تجربة أوروبية أخيرة، وفي نفس الوقت قرر باش يحاول ينقذ النادي ديال الصغر ويشري الأسهم ديالو.

حسب وسائل الإعلام الإسبانية، راموس كينافس مجموعة ديال المستثمرين اللي باغين يشريو كامل الأسهم ديال النادي أما الهدف ديال راموس هو يخلي إشبيلية فـ يد وحدة ويضمن استقرار الفرقة على المدى الطويل.

ولكن الطريق ماشي ساهل، حيث كاين منافس كبير، مجموعة رجال أعمال من إشبيلية بقيادة أنطونيو لابي وفيدي كوينتيرو، اللي حتى هما باغين يشريو النادي. المنافسة بين الطرفين غادي تكون قوية باش يشدو النادي.