كود ـ سيدي سليمان///

فضيحة هادي كتعيشها سيدي سليمان، المدينة التي رأس مجلسها الجماعي البرلماني ياسين الراضي، ولد ادريس الراضي، وسط غضب كبير للمواطنين اللي كايتهموا المجلس بالفشل الذريع في تدبير شؤون المدينة الغارقة في البؤس والتهميش.

الشركة المكلفة بتدبير قطاع النظافة وقفات صرف الأجور ديال العمال، بسبب خلافات مع مجموعة الجماعات للبيئة، الأمر الذي تسبب في إضراب مفتوح للعمال ووقفات احتجاجية للمطالبة بتسوية وضعيتهم.

https://fb.watch/bJY76jQwg1/

ولم تخف مصادر “كود” أن تكون هذه الأزمة “مفتعلة” بسبب حرب لكسر العظام بين بعض الأطراف، بينما يتم التلاعب بالمصالح ديال المواطنين في مدينة كاين فيها العامل ورئيس المجلس الجماعي والإقليمي ولكن بدون دور يذكر.

ماشي غير هادشي، وباعتراف من ياسين الراضي، رئيس المجلس البلدي لي كشف عن أزمة مالية كيغرق فيها المجلس، خصوصا وأن المكتب الوطني للكهرباء كيتسال للمجلس 8 مليون درهم والمكتب الوطني للماء كيتسال 6 مليون درهم وشركات كذلك كيتسالو المجلس.

وحسب تصريح الراضي، كيبان بلي هاد الجماعة غارقا كريديات ومعندهاش باش تخلص حتى للموظفين.

وقال الراضي، في تصريح له على صفحته الفايسبوكية :”كاين عجز كبير فسيدي سليمان، غانشوفو نسلكو الامور باش مكان..كنقلبو على حلول ترقيعية”.

المدينة غارقا، والرئيس ديال المجلس كيهضر على حلول ترقيعية، هادشي كتشوفو مصادر محلية بأنه “عجز” وضعف لهاد الأغلبية لي فيها اعضاء عندهم مصالح مشتركة.