عثمان الشرقي – كود//

الحكومة ديال عزيز أخنوش ناوية فـ سنة 2026 تدخّل للخزينة ديال الدولة أكثر من 21 مليار و168 مليون و205 ألف درهم من المداخيل ديال “الرسوم الداخلية على الاستهلاك” اللي كتفرض على الخمور والكحول والڤان والتبغ المصنع.

وحسب مشروع قانون المالية ديال 2026 الرسوم على الخمور والكحول غتوصل لـ مليار و487 مليون و805 ألف درهم، والرسوم على الڤان غتوصل تقريباً لـ مليار و963 مليون و300 ألف درهم.

أما الرسوم على التبغ المصنع فغتوصل لـ 17 مليار و717 مليون و100 ألف درهم.

وبالرجوع لقانون المالية ديال 2025، كانت مداخيل الخمور والكحول ما كدوزش مليار و190 مليون و550 ألف درهم، ومداخيل الجعة كانت فحدود مليار و553 مليون درهم، ومداخيل التبغ المصنع كانت تقريباً 13 مليار و700 مليون و20 ألف درهم.

وزادت الضريبة الداخلية على الاستهلاك فـ سنة 2023 من 850 لـ 1150 درهم للهكتوليتر ديال الخمور، ومن 1150 لـ 1550 درهم للهكتوليتر ديال الجعة، ومن 18.000 لـ 25.500 درهم للهكتوليتر ديال الكحول الصافي والكحول الإيثيلي .