احمد الطيب كود الرباط ///
سيدنا عايق بالصبليون. عايق بقوالب السياسة عندهم. من خلال ملتقى رجال الأعمال الإسبان اللي جاو ما كاينش شي وحدين كبار اليوم للرباط، المستوى ضعيف.
الملك محمد السادس دار الصواب مع بيدرو سانشيت رئيس الحكومة الصبليوني باش اتصل بيه ولكن ما غاديش يستقبلو. ما كاينش علاش.
فبيان الديوان الملكي تقدر تخرج بأسباب هاد عدم الاستقبال. البيان فيه باللي “هذه المحادثات التي طبعها الدفء، أشاد الملك محمد السادس بالتطور الذي تشهده المرحلة الجديدة للشراكة الثنائية، في سياق من التشاور والثقة والاحترام المتبادل” وذلك منذ اللقاء الذي جرى في 07 أبريل 2022 بين الملك ورئيس الحكومة الإسبانية، حيث تم تفعيل الالتزامات التي تضمنها البيان المشترك المعتمد بهذه المناسبة بشكل جوهري”.
هنا المشكل واش تم تفعيل هاد الشيء؟ الجواب اللا.
انعقاد الدورة 12 للاجتماع رفيع المستوى المغرب-إسبانيا، بعد ثماني سنوات على عقد آخر دورة لهذه الآلية المؤسساتية اللي بدا اليوم فاتح فبراير 2023 ما فيهش شي حاجة ملموسة.
سيدنا وجه دعوة لرئيس الحكومة الإسبانية باش يزور المغرب فاقرب الآجال ولكن خاص هاد الزيارة الجاية تكون “مناسبة سانحة لتعزيز العلاقات الثنائية بشكل أكبر، من خلال اعتماد مبادرات ملموسة تتميز بالنجاعة، وبمشاريع فعلية في مختلف المجالات الاستراتيجية ذات المنفعة المشتركة”.
اي بغينا الملموس ماشي لكلام لمعسل.
