كود تطوان ////

هادي 3 ايام قال سكان بالشمال والضبط حدا القصر الملكي بالمضيق باللي شوهد سيدنا كيدير جولة فالبحر. سيدنا رجع يمارس رياضتو البحرية اللي عزيزة عليه. يعني صحتو تحسنات وولى بيخير. فالفيديو اللي تسجل كيبان عدد من لمواطر ديال دجيت سكي معاهم باطو صغير كيدورو ماشي بعيد على الشاطئ. سكان المضيق قالو باللي هادا كان فيه سيدنا.

https://www.instagram.com/p/DKb3HKthnsN/

وكاين فيديو اخر كيبان فيه دجيت سكي سابق باطو. هادا قالو سكان المنطقة باللي ديال ولي العهد مولاي الحسن.

سيدنا وولدو ولي العهد كيمارسو نفس الرياضة.

https://www.instagram.com/p/DKbzthqBwGE/

سيدنا عاشق للبحر وللرياضات البحرية. خرجو عدد من التصاور ديالو ايام كان ولي العهد وحتى بداية حكمو ف1999 وهو كيمارس دجيت سكي.

وفعلاقة بالموضوع، كان جورنال صبليوني اسمو “ال فارو دي سبتة” باللي يخث غالي دخل للمياه الاقليمية لهاد لمدينة المغربية المحتلة من قبل الصبليون.

الجورنال قال باللي فهاد اليخت يتوقع يكون فيه ملك المغرب.

ف2000 كانت ازمة مع الصبليون بعد ما وقفات “لاگوارديا سيفيل” يخت ملكي فالبحر قريب من المياه ديال سبتة