الرئيسية > تبركيك > سيدنا اتصل بملك الصبليون وتضامن مع بلادو فهاد الجايحة
10/04/2020 11:30 تبركيك

سيدنا اتصل بملك الصبليون وتضامن مع بلادو فهاد الجايحة

سيدنا اتصل بملك الصبليون وتضامن مع بلادو فهاد الجايحة

كود الرباط//

سيدنا دار اتصال اليوم الجمعة بملك الصبليون فيليبي 6. هاد الشي علن عليه القصر الملكي الاسباني فتويتر. هاد الاتصال علن ملكنا على تضامن المغرب مع الشعب الاسباني فهاد الجايحة اللي ضربات الجارة الشمالية بزاف.

دابا اليوم الجمعة وصل عدد اللي قتلهم هاد الفيروس فهاد لبلاد 15843 ووصل عدد المصابين 157022 حالة. الايجابي فهاد الشي ان اكثر من 33 الف تشافاو

طبعا المغرب كيتعاون مع الصبليون فكلشي. دابا اكيد غادي يتعاونو فالمجال الطبي وتبادل المساعدات والمستلزمات الطبية.

وزير التجارة والصناعة مولاي حفيظ العلمي كان اتصل بنظيرتو الاسبانية هادي يوميين. من المتوقع يبدا المغرب يصدر لمدريد لكمايم قريبا

موضوعات أخرى

02/06/2020 15:00

حملة “التطهير” لي دار ايت الطالب باعفاء 40 مسؤولا بوزارة الصحة وصلات للبرلمان..ونائب: الاعفاءات فيها ريحة تصفية الحسابات