كود طنجة ///

علمت “كود” ان من بين ضحايا المستشار الجماعي نائب مجلس مدينة كبيرة فالشمال كاين شخصية كبيرة. هاد المسؤول لكبير كان عندو حساب فهاد البنكة وغير ورثها وكانت شي 3 مليون درهم قبل ما يكتاشف انها ما بقاتش.

حسب مصادر “كود” فان من ضحايا هاد السياسي اللي فنفس الوقت مدير بنكة عدد من رجال الاعمال. وصلو لفلوس اللي صاط فيهم ملاير صحيحة. هاد لفليسات ضربها قمر. يعني كلشي مشى

فالويكاند عاد قرقبو عليه. الغريب وفق مصادر “كود” هو عدد من هاد رجال الاعمال ما قدموش بيه شكاية واخا عرفو باللي دا ليهم فلوسهم.