كود الرباط – تصوير حسني الدكالي ///


الستار محمد رمضان اليوم حضر فمعرض الكتاب فالنسخة التاسعة والعشرين من المعرض الدولي للنشر والكتاب بالرباط، وهادشي غايعطي صورة اخرى للمعرض.

حضور رمضان، مفلتوش الوزير البامي المهدي بنسعيد، وكيف ديما كيعجبو يركب على الموجة، اختار يدير التسويق لراسو بحضور هاد السطار.

سياسة لفراجة وشوفوني، معروفة على بنسعيد وماشي اول مرة يديرها مع نجوم الموسيقى خصوصا الراب والجيل الجديد من الموسيقيين، دارها فموازين لي فات.

الوزير البامي المقرب من بنت الباشا، اللي هرب المعرض من كازا، واللي فقد ديك الاشعاع الكبير وروح المثقفين، وجابو للرباط وأخا تنظيميا مقاد ولكن روح المعرض مشات مع كازا.

بنسعيد كيعجبو يبانو فالسوشل ميديا كيبغي النجوم يتصور معهم باش يربح كثر سياسيا وشعبيا. كيدير بيهم الاشهار لراسو مستغلا منصب وزير الثقافة.

الوزير كيكون مشرف عن بعد كيضبر المعرض ولكن كل مرة كيجي يحضر ويتصور. وزير كيحماق على التصاور وكيدير ليها سبونسوري فالفايسبوك.