وكالات//

نايضة روينة فميريكان بسباب شي السونطر ديال عمليات التجميل، بعدما تسببات واحد العملية كيديرها فإصابة بزاف ديال العيالات بالسيدا.

وقال تقرير داروه مراكز السيطرة على الأمراض والوقاية، أن هاد السونطر لي كاين في ولاية نيومكسيكو الميريكانية، دار واحد البرة لبزاف ديال العيالات الشي لي خلا فيروس الإيدز ينتاشر بيناتهم بشكل سريع.

وقال التحقيق أن هاد العمليات دارها العشرات المرات ولمدة 4 سنين في الفترة ما بين 2018 و2022، والمصيبة فهادشي كامل أن لونكيط لقا بأن هاد السونطر غير مرخص.

وهاد العملية معروفة باسم “مصاص الدماء” وهي فين كيخشيو واحد البرة فوجههم وكيدير ليهم شي خلايا وبلازما كترجع البشرة بحال إلى باقة شابة.