كود – وكالات //

بزاف د الناس كيتقلقو من فكرة أنهم خاصهم يقضيو حاجتهم فالطواليط ديال الخدمة، بسبب قلة الخصوصية، الريحة أو حتى الأصوات.

استطلاعات بينات أن الثلث ديال الموظفين كيخافو يحطوها فالخدمة، و 1 من كل 5 كيرفضو يديروها نهائياً.

باش تولي حركة الأمعاء ديالك أكثر انتظاماً، الدكتورة ليبيليس باديلا، المختصة فالجهاز الهضمي ومؤسسة Unlocking GI، كتنصح بثلاث خطوات بسيطة.

أول حاجة هي الألياف. هاد العناصر كتزيد فالكميط وكتخليه ساهل فالخروج، وكتعاون حتى القولون يخدم مزيان.

ولكن وخا أهميتها، الدراسات كاتقول بلي 95% من الأمريكيين، كبار وصغار، ما كيوصلوش للكمية اليومية الموصى بها.

الأطباء كينصحو بمحاولة الوصول على الأقل لـ25 غرام من الألياف فالنهار، ويمكن تحقيق هاد الهدف بأطعمة بحال بذور الشيا والكتان، أو بإضافتها لسموذي غني بالبروتين والألياف.

ثاني حاجة هي الماء ،الاطبا كينصحو بشرب الما مباشرة من بعد الفياق، وخا القهوة تقدر تحفز حركة المصران عند بعض الناس، ولكن الما مهم باش يمنع الإمساك ويحافظ على ليونة البراز.

وبحسب الاطبا، انتظام طواليط كيختلف من شخص لآخر، بحال البصمة تقريباً، ولكن الجمع بين الألياف، الماء والحركة يقدر يعاون الجسم يلقى إيقاع منظم، ويزيد فرص أنك تدير حاجتك قبل ما تخرج للخدمة.