الرئيسية > تبركيك > سوفتيل ديال الرباط خرقو إجراءات كورونا وعيطو على مؤثرات من كازا وطلعو حتى للرباط باش يديرو ليهم الاشهار
18/10/2020 14:00 تبركيك

سوفتيل ديال الرباط خرقو إجراءات كورونا وعيطو على مؤثرات من كازا وطلعو حتى للرباط باش يديرو ليهم الاشهار

سوفتيل ديال الرباط خرقو إجراءات كورونا وعيطو على مؤثرات من كازا وطلعو حتى للرباط باش يديرو ليهم الاشهار

نجوى المالحي-كود//

بعض المرات خرق اجراءات التدابير المتعلقة بكورونا كتجي من أشخاص هوما في الأصل مفروض يكونو دوة، ويكونو ملتازمين كثر من أي شخص آخر، لكن للأسف في بعض الاحيان كتلقى العكس.

هاد السيمانة اوطيل سوفيتيل في الرباط دار حفلة، خر فيها لاجراءات ديال كورونا، وجمع مؤثرات في جردة، وطبعا كان التعناق والتصاور وعدم احترام التباعد الاجتماعي او لبس الكمامة، او اي تدبير اخر للخد من انتشار فيروس كورونا.

هادشي نشراتو الممثلة أحلام زعيمي وواحد السيدة لبنانية ساكنة في المغرب عندها شي بركة ديال المتتبعين وواحد الأستاذة ديال اليوكَا وزيد عليهم شي كوبلات معروفين في انستكَرام.

المثير في هادشي أن بزاف من هاد المؤثرين طلعو من كازا حتى للرباط مع أنه حاليا ممنوع الدخول أو الخروج من كازا حتى تكون عندك رخصة ديال السلطات المختصة ويكون عندك سبب استثنائي وضروري.

وهادشي لي وقع غادي يخلي المواطنين العاديين يتساؤلو واش كين شي تطبيق فعلي للاجراءات لي مفروضة حاليا في كازا ولا لا، وبآشمن صفة كيخرجو هاد الناس من كازا ويطلعو للرباط مع العلم انهم غاديين باش يتلااو في حفل ماغاديش يكون فيه احترام للتدابير الوقائية من كورونا.

موضوعات أخرى

20/10/2020 19:00

المغرب بلاد مافيهاش مكة ولا الفاتيكان مافيهاش الحرية ديال برشلونة ولا متاحف سان بيترسبرغ ولا جزر اليونان وشواطئ الطاليان وابلاد مافيها حتى شي حاجة إستثنائية لي يشوفها الواحد ومع ذلك مايضربش فيها حتى الطاسة وينيك على خاطرو وباغينها تكون سياحية باش بالدعاء

20/10/2020 18:30

الجو تقلب والعجاجة رونات عدد من المدن المغربية.. الأرصاد الجوية لـ”كود”: كاين اضطراب جوي وها شنو جاي معاه وها سبب لعجاجة

20/10/2020 18:20

حملة الأيادي النظيفة اللّي طلقها الحموشي طيحات عنصر فـ”الديستي” عندو علاقة بقضية كبيرة دلحشيش: جات موراه الـBNPJ من فاس

20/10/2020 18:00

المتطرف الصفريوي اللي كان فالاصلاح والتجديد واللي كيعرف وزراء من البي جي دي قسمو ليه ظهرو: ماكرون سد ليه جمعيتو ومازال فالتحقيقات بسباب قطع رأس استاذ التاريخ

20/10/2020 17:30

حصيلة كورونا اليوم: 3254 مغربي ومغربية تصابو و51 ماتو و2417 تشافاو.. الطوطال: 179003 إصابة و3027 وفاة و148838 متعافي.. و27138 كيتعالجو منهم 592 حالتهم خطيرة