كود الرباط//

علمت “كود” أن ما يقارب 80 فلاحا بسوس، لقاو راسهم ضحية زراعة “نقلة” الدلاح مغشوشة (وفق خبرة تقنية)، بحيث كاين لي ضاعت ليه هكتارات من الزرع بلا ما يستفد منها، وهو ما يهدد هؤلاء الفلاحين بالخسارة والافلاس.

وقال أحد الفلاحين المتضررين لـ”كود”، :”الفلاحة ديجا تضررو العام لي فات، وهاد العام عدد من الفلاحين خداو من شركة معينة “النقلة” ديال الدلاح مصدقاتش، وكاين لي زرع 15 هكتار وكولها مشات”.

https://www.facebook.com/share/v/1JBx3izzbx/?mibextid=wwXIfr

وأوضح المصدر المهني لـ”كود” :”مشكل ف النقلة لي خداو هاد الفلاحين هو انه كيموت ليها لجذر، علما ان النقلة مكونة العروق ديال الكرع والفوقاني ديال الدلاح..ولقينا بلي جدر الكرع كيموت”.

ووفق فيديوهات حصلت عليها “كود”، وشهادات فلاحين، فإن المكتب الوطني للسلامة الصحية “اونسا” دخل على الخط، ودار تحاليل للنقلة.

الصادم، واخا دارو تحاليل مخبرية بما فيه ديال جمعية مهنية للفلاحين، كلها اكدت وجود مشاكل ف النقلة، اضافة إلى الفلاحين  استمعلوا جميع الادوية لي عطاتهم الشركة بدون جدوى. ودبا القضية ف المحاكم وفيها الشيكات.

ورغم انه دارو عدة اجتماعات بين الفلاحين والشركة لكن مكانتش حلول، مما دفع بعدد الفلاحين يمشيو للقضاء.

وتشكل زراعة الدلاح بمنطقة سوس، أحد محركات الدورة الاقتصادية بحيث من عدد العاملين، سواء من حيث الغرس أو تنظيف التربة من الأعشاب الخبيثة، الى مرحلة الجني، بحيث الموقف كيكون عامر، وكيتخلصو مع 11 د نهار حسب شارج. كيخلق هادشي دينامية اقتصادية.

العام لي فات فاش كان مشكل، كولشي كاعي كولشي واقف. من العام لصاحب مقهى لمالين الطاكسيات.