عثمان الشرقي ـ كود//

شركة Ravijour اليابانية كانت دارت تجربة جديدة فعالم الملابس الداخلية، من خلال سوتينات إلكتريك اللي كيتحلو غير فحالة الحب الحقيقي.

هاد السوتينات كتدمج بين الموضة والتكنولوجيا، حيتاش كتقيس نبضات القلب وكتستجب للإشارات الجسدية اللي كترافق المشاعر والإثارة، القلب مني كيضرب بسرعة، وكطلع الحرارة، كل دقة وكل إحساس داخلي كتكتشفو السوتينات، وتتحول اللحظة لتجربة حميمية كتفهمو السوتيات وكتحل أوطوماتيك.

التكنولوجيا والجاذبية والجسم كيتلاقاو فهاد السوتينات، اللي كيخلقو نوع من التناغم بين الإحساس الداخلي والردود الخارجية للجسم. كل إحساس داخلي كيترجم فالسوتينات، لدبدبات كتستشعر النبض والدفا بلا ما يكون حتى تدخل مباشر أو توجيه.

السوتينات الكتريك كتقول واش كاينة فعلا أحاسيس صادقة وتفاعل باش تحل على قبلها ولالا، هاد الابتكار بين الموضة والتكنولوجيا فتح باب جديد لفهم العلاقة بين الجسم والمشاعر، وكيفاش يمكن للملابس الداخلية تستاجب للإحساس الحقيقي بطريقة ذكية، دقيقة، وهادئة في الوقت نفسه.

الحاصول الستوتياتات ديال ضو ولاو أداة للتفاعل مع المشاعر الحقيقية.