كود كازا ///

علمت “كود” ان سهرة “ال كراندي طوطو” ديال اختتام مهرجان موازين” واللي تبثها القناة الثانية “دوزيم” السبت اللي فات مباشرة، شافوها 5.5 مليون مشاهد.

هاد الرقم القياسي كيعكس الاهتمام لكبير للمغاربة للفنون كلها. كيضرب كلشي اللي خرجو هاجمو “طوطو” ماشي غير ما عجبهمش فنو، وهادا من حقهم، بل ضد حقو حتى فالوجود الفني.

سهرتو فالسويسي بالرباط كانت حتى هي حققات اقبال كبير. كثر من 300 الف مغربي ومغربية جاو يشوفوه مباشرة. كان ولي العهد مولاي الحسن حتى هو حضر لهاد السهرة.

للتذكير فالدورة الحالية تبع سهراتها 3.2 مليون شخص. رقم قياسي دار رغم عدد من المشاكل اللي تم اختلاقها باش يضربو رئيس “مغرب الثقافات” عبد السلام احيزون. موضوع دابا نرجعو ليه بالتفاصيل