وكالات//

كشف كيفن فيدرلاين، راجل بريتني سبيرز السابق، بلي بريتني رجعات تهدر مع ولادها شون بريستون وجايدن جيمس، من بعد ما كانت العلاقة مقطوعة بينهم لمدة طويلة بسبب التصرفات ديالها اللي كانت دايرة الجدل، واللي فيدرلاين قال قبل بلي كانت كاتخلي الولاد يحسو بالخوف والقلق.

فبرنامج Talk Shop Live، قال فيدرلاين اللي عندو 47 عام: “ما درناش هضرة مفصلة، ولكن عارف بلي هي هضرات مع ولادها، وهاد الشي مزيان. كنشوف الضوء فآخر النفق، ولكن الطريق غادي تكون صعيبة وغادي تاخد الوقت.”

وزاد قال بلي الهدف من الكتاب ديالو You Thought You Knew هو يحاول يصلّح العلاقة بين بريتني وولادها، ووضح: “هما كيقلبو على طريقة باش يصلحو العلاقة مع الأم ديالهم، وأنا كنظن بلي هاد الشي ممكن بصح.”

وفي نفس السياق، قال فيدرلاين بلي ما عطاش اهتمام كبير لردود الفعل اللي كانت قاسية على الكتاب، وأكد بلي دار كلشي من أجل مصلحة الولاد ديالو، وقال: “إلى كان خاصني نكون الشخص اللي يكرهوني الناس باش ولادي يقدرو يبنيو علاقة مع الأم ديالهم، غادي نديرها بلا تردد”.