كود ـ إفران//

اختارت الفنانة المغربية المقيمة بمصر، سميرة سعيد، تقضي عطلة نهاية السنة فبلادها الأصلية المغرب، وبالضبط فمدينة إفران، اللي معروفة بأجوائها الشتوية والثلج اللي كيزيدها جمال.

ونشرات سميرة سعيد صور ليها عبر حساباتها فمواقع التواصل الاجتماعي، باينة فيهم رفقة ولدها وأشخاص مقربين ليها، وهم كيستمتعوا بأجواء الثلج والبرد فإفران، فلقطات عائلية دافئة بعيدة على أضواء السهرات والحفلات.

وعلّقات الفنانة المغربية على الصور بتدوينة قالت فيها:

“سنة تُغلق بهدوء في مدينة إفران الرائعة..

ولحظات تُحفظ في القلب، بين الثلج والعائلة..

سنة سعيدة على الجميع‘‘.

هاد الزيارة خلات بزاف ديال المتابعين يعبّرو على إعجابهم باختيار “الديفا” تقضي نهاية السنة فالمغرب، وخصوصا فمدينة إفران اللي ولات وجهة مفضلة للعديد من الفنانين المغاربة للاستمتاع بسحر الثلج والطبيعة الخلابة.