وكالات//

واحدة السيدة عندها 63 عام من لوس أنجلوس، سميتها غوادالوبي سيبيدا، تم خداعها من طرف نصاب على الإنترنت اللي ادعى أنه المغني الإسباني إنريكي إغليسياس.

غوادالوبي كانت معجبة بإنريكي إغليسياس لأكثر من عشرين عام، فملي تواصل معاها واحد داير راسو هو عبر مواقع التواصل الاجتماعي، ما صدقتش عينها.

حسب جريدة “أوديتي سنترال”، النصاب قال ليها أنه لقاها في مجموعة معجبين على الإنترنت، وما شكّاتش فالمصداقية ديال العلاقة الافتراضية اللي بدات بينهم من عامين. ورغم أنها كانت متزوجة، إلا أنها كانت مقتنعة بأنها غادي تتزوج مع إغليسياس في الأخير، وقررت تسمح فراجلها وتهرب معاه.

خلال هاد العلاقة الوهمية، غوادالوبي صيفطات للي كيدعي أنه إنريكي  آلاف من الدولارات حيث كان كيدعي أنه محتاج ليها.

وفاش قالت ليه ما عندهاش الفلوس، ضغط عليها باش تلقا مصدر آخر، حتى من راجلها. رغم الزيادة ديال الطلبات المالية، بقات غوادالوبي مقتنعة أن الشخص اللي كانت كتهضر معاه هو إنريكي إغليسياس الحقيقي.

المصيبة هي أنها ماشي هي لي عاقت بيه وإنما راجلها، ولي حاول إقنعها أن لي كينصب عليها ماشي اكليسياس، ومالقى من حل إلا أنه يبان معاها في برنامج تلفزي ويطلب من المغني الحقيقي يأكد ليها هادشي.