كود كازا ///

البارح نشرات “كود” خبر مع تصاور عن مواطن قدماتو مجلة “بوبل” الفرنسية ب”الامير العلوي”. فاللول يسحاب لينا باللي هو سليمان ولد الاميرة لالة مليكة والسي الشرقاوي. من بعد تبين باللي هادا علوي اخر اسمو سليمان وماشي سلمان كيف نشرات المجلة الفرنسية.

المعني بالامر اتاصل ب”كود” باش يقول باللي هو اولا ماشي امير ولكن من الاسرة العلوية وباللي والدو هو الامير مولاي حفيظ وجدو هو الامير مولاي عبد الله وباللي جد جدو هو السلطان مولاي حفيظ.

كما كشف ل”كود” باللي كيعيش ففاس وفيها عاشت عائلتو وباللي حضر لحفل صحابو فؤاد بن قويدر ونوال دبوز وكان فهاداك الحفل اللي تنظم ف7 اكتوبر 2024 باوطيل مراكشي عدد من صحابو

الشاب كان انيق ومبوگص