وكالات//

بارطاجاو رواد مواقع التواصل الاجتماعي واحد اللقطة مضحكة، كتبين نائب أسترالي وهو كيشرب الشراب من صباطو وسط قاعة البرلمان.

البرلماني هو كايل ماكجين، عضو فالمجلس التشريعي ديال ولاية غرب أستراليا، ودار هاد الحركة فختام المسيرة ديالو فالبرلمان، وهاد الشي جزء من تقليد أسترالي كيتسمّى “الشُوي” (Shoey).

كايل شكر الناس اللي صوتو عليه، وقال بلّي هاد التصرف غادي يعجبهم، وزاد: “أنا مولف ينتاقدوني، خلّينا نساليو بهاد الطريقة”، وهاد التصرف ديالو خلى زملاؤه يصفقو ويضحكو، ومن بعد طلبت منو رئيسة المجلس يرجع يجلس.