كود – كازا ///

قالت جريدة إلفارو دي مليلية، إن السلطات الأمنية ف المدينة دارت بيست خاص ف معبر بني انصار لصحاب المواطر الكبار. وكيهدف هاذ الإجراء إلى تسريع حركة المرور على جانبي المعبر.

وحسب وكالة الأنباء الإسبانية EFE، تسعى الشرطة الإسبانية إلى تقليص فترات الانتظار الطويلة المسجلة يوميا عند المعبر، واللي كتخلى كلشي من صحاب الطوموبيلات والمواطر دايرين صفوف طويلة ويتسناو بالسوايع باش يدخلو للتراب المغربي.

ويتزامن تدشين هاذ البيست مع اقتراب عيد الأضحى المبارك، اللي كيعرف حركية كبيرة بسبب توافد المهاجرين المغاربة ف أوروبا على البلاد باش يعيدو مع العائلات ديالهم. وقالت المتحدثة باسم الحكومة المحلية ف مليلية، فضيلة مختار، أن المبادرة كتجي ف سياق تدابير عاجلة لإنهاء ما وصفته بـ “الطوابير الطويلة”.

https://www.infobae.com/espana/agencias/2025/05/30/la-frontera-de-melilla-con-marruecos-incorpora-un-carril-bici-para-agilizar-el-transito/