كود -كازا///
راه ما عندو معنى هاد القرار المتعلق بالشراب من بعيد. مدينة بحال مراكش، لي كتكشل الواجهة السياحية للمغرب وكتستقطب أكبر عدد من السياح لي كيجيو يزورو بلادنا، تخربيق ييقى الشراب مقطوع فيها حتى لغدا الخميس، بينما فكازا، العاصمة الاقتصادية للمملكة، غيرجع فيها ابتداء من غدا.
هذا القرار راه كيقتل السياحة لي بزز باش بدات كتست عافيتها، بعد دقة كورونا القاصحة ولي دخلات القطاع لغرفة الإنعاش لشهور كثيرة بزاف. وهي الأزمة لي كخرجات منها السياحة غير بشق الأنفس بفضل الإجراءات القعالة لي خداتها الحكومة وعتقات بيها أيضا نسبة كبيرة بزاف من مناصب الشغل.
راه من غير المنطق نشوفو مدينة كتخدا فيها مثل هاد القرار، لي ما كيخدم غير الكرابة لي كيلقاو هذه الفترة الزمنية كتشكل فرصة ذهبية ليهم ينتعش فيها نشاطهم الممنوع.
قرار بحال هادا ديال الوالي راه كيقتل السياحة
