كود -وكالات//

رجعات السلسلة الشهيرة Peaky Blinders بخبر جديد مهم بعد الفيلم ديال “الرجل الخالد” اللي سالا به قصة Tommy Shelby (اللي لعب الدور ديالو Cillian Murphy)منصة Netflix خدامة دابا على مسلسل جديد فيه جوج مواسم، وغادي يكون مكمل للأحداث ولكن مورا 10 سنين من الفيلم ، الجديد فهاد الجزء هو أن الدور الرئيسي غادي يكون ديال ولد شيلبي وغادي يلعبو الممثل Jamie Bell عوض Barry Keoghan اللي ما بقاش فالدور، وهكا جيمي بيل هو ثالث واحد كيلعب هاد الشخصية من بعد Conrad Khan.

مول  السلسلة Steven Knight قال أن الأحداث غادي تكون فمدينة برمنغهام، ولكن هاد المرة فبداية الخمسينات، من بعد الحرب العالمية الثانية، وغادي نشوفو جيل جديد من عائلة شيلبي كيشد الحكم ،حتى Charlie Heaton (المعروف من مسلسل Stranger Things) غادي يكون حاضر فالكاست، مع ممثلين آخرين بحال Jessica Brown Findlay وLashana Lynch،قصة الجديدة غادي تركّز على مدينة كتفيق من آثار الحرب، ولكن فوسط هاد الروينة كاين كومبا خطيرة وقاصحة ، فرخ شيلبي غادي يكون كبابر فالعمر، وعندو  تجربة كتيرة وخطير بزاف.