كود الرباط ////

أعاد الحكم التمهيدي الصادر عن المحكمة الابتدائية الاجتماعية بالدار البيضاء فتح النقاش حول كلفة الطلاق فالمغرب، بعدما قضات المحكمة بإلزام الزوج جبران عبد العزيز بأداء مبلغ 233 مليون سنتيم و300 ألف ) كحكم تمهيدي ،لفائدة زوجته العسري فاتن، فإطار الإجراءات المؤقتة المرتبطة بدعوى التطليق بالشقاق.

وبحسب معلومات توصلات بها “كود” فإن، الجلسة عرفات بزاف ديال التأخير وتحال الملف على المداولة والتأمل و تم ادراجوا عبر مراحل، قبل مايتم تحديد الجلسة لي جاية يوم 29/04/2026 على الساعة التاسعة صباحا، ولي تقرر فيها إعطاء المدعى للمدعية عليها حوالي 233 مليون سنتيم و300 ألف في دعوة للتطليق بالشقاق.

هاد القرار، رغم أنه مازال تمهيدي، رجعنا نفكرو فموضوع “أغلى طلاق” في المغرب لي دار ضجة والروينة في الفايسبوك ، ودابا نقدرو نقولو بلي ماكيناش غير سكينة بنجلون لي عندها اغلى طلاق بالمغرب .

اليوم، ومع هاد الأرقام الجديدة، كيبان أن فكرة “أغلى طلاق” ما بقاتش مرتبطة غير بالمدرسة الجلونية ولكن كاينين عيالات وحالات طلاق ممكن توصل لأرقام صادمة ولعاقة ديال بصح ولكن ما كتخرجش للعلن، سواء بالتراضي بين الطرفين او غيرها .

القضية الحالية، كيشرف عليها القاضي حسونة محمد، وكانت تسجلات بتاريخ 18 دجنبر 2025، قبل ما يصدر فيها تاريخ هاد الإجراء 25 مارس 2026 ، وتحدد الجلسة المقبلة في المحكمة 29 أبريل في 9 ديال الصباح .