الرئيسية > آش واقع > سكوب. ها مول قرار عمدة طنجة ما يشوطوش الريوس فالشارع
09/08/2019 09:30 آش واقع

سكوب. ها مول قرار عمدة طنجة ما يشوطوش الريوس فالشارع

سكوب. ها مول قرار عمدة طنجة ما يشوطوش الريوس فالشارع

كود هناء ابو علي ////

علمت “كود” ان قرار عمدة طنجة ديال العدالة والتنمية محمد البشير العبدلاوي بمنع تشواط ريوس حولي العيد فالشوارع ماشي ديالو. مصدر “كود” اكد ان مول الفكرة هو والي الجهة محمد مهيدية. هاد القرار خبر بيه العمدة اللي نفذو.

شوارع طنجة معروفة بحال مدن مغربية اخرى بالفوضى لكبيرة اللي كتكون فيها يوم العيد. فهاد المدينة كيكونو لبطاين مليوحين والتشواط فالشوارع المعروفة.

وكان عمدة طنجة « منع شي رؤوس الاضاحي بمختلف الشوارع والازقة والطرقات بالمدينة »، وقال في بيان له ان هاد القرار يدخل حيز التنفيذ ابتداء من تاريخ الصدور ويعهد الى السلطة المحلية ومصالح الامن والمصالح الجماعية المختصة بتنفيذه كل في دائرة اختصاصه ».

وبرر ذلك ضمان امن وسلامج المرور والنظافة والصحة العمومية.

العام اللي فات تسبب هاد التشواط فعقوبة للكاتب العام للولاية. الوالي انذاك محمد اليعقوبي اتصل بالكاتب العام على هاديك الفوضى اللي كاينة ووقع بيناتهم نقاش وتمت معاقبة المسؤول.

هاد القرار تم اتخاذه لكون الملك محمد السادس من المحتمل يدوز العيد لكبير فطنجة.

موضوعات أخرى

13/08/2020 20:30

تعيينات المالكي وبنشماش فهيئة “ضبط الكهرباء”..بنعبد الله سماها “الوزيعة” وطالب بالتحكيم بلا ما يسميه التحكيم الملكي

13/08/2020 19:45

لقتيلة فحباسات السيسي مستمرة. العريان القيادي البازر ورجل التوافقات بجماعة “الاخوان المسلمين” مات. بنكيران: مات شهيد وخاص يتوقف هاد القتل فمصر

13/08/2020 19:30

قريب وزارة الصحة تخرج إحصائيات مفصلة على الوفيات.. والمرابط عطا تسريبات ل”كود”: الأغلبية الساحقة داللي ماتو عندهم عوامل الاختطار

13/08/2020 19:11

باش تكثر من عدد الكشفات لمصابي كورونا بشكل سريع وفعال.. وزارة الصحة غتولي دير تحاليل “سيرولوجيك” كتخرج فعشر دقايق – وثيقة