احمد الطيب كود الرباط//

توصلت “كود” بمعطيات حصرية حول الكلينيك لي كيقصد رئيس المجموعة النيابية للعدالة والتنمية بمجلس النواب، عبد الله بووانو، ولللي اتهمها بالتلاعب ف ثمن أدوية السرطان.
حسب بوانو فحديثو لـ”كود”، فإن الكلينيك لي المقصود هو أكديطال للي سبق وكشفات “كود” بلي قدم طلب للاستفادة من دعم مالي ضخم للجنة الوطنية للاستثمارات لي كيترأسها رئيس الحكومة.
بوانو لبارح فالدراسة والتصويت على الجزء على الأول من مشروع قانون المالية 2026، قال بلي مصحة خاصة من المصحات التي أثير اسمها ملف الدعم الحكومي، تبيع دواء السرطان للمواطنين ب4000 درهم في الوقت الذي تشتريه ب800 درهم فقط.

وفق كلام بوانو، هاد المصحة كتشري دواء للسرطان ب800درهم، وكيتحسب ف الضمان الاجتماعي ب4000 درهم، والأكثر من ذلك كتبيعو للمصحات الأخرى باش تبيعو ب4000 درهم. خدات 40 مليون درهم ف أسابيع.
وحسب نفس المصدر، كاينا أمثلة لهاد الدوايات للي كتشريها أكديطال وتعاود تبيع فيها، بحال Bortezomide، وVelcade et ses génériques.
يشار بلي مدير اكديطال، كان دار جولات ولقاءات مع السياسيين وزعماء احزاب، باش يشرح ليهم ويوضح ليهم هاد الاستثمارات الضخمة لي داير فالقطاع الخاص، وكيفاش مصحات خاص كتنبث فكل مدينة بسرعة قياسية والارباح للي كتحقق فوقت سياسي.
هاد النقاش حول المصحة الخاصة، وفق مصادر برلمانية، خصو يمشي بعيد، خصوصا وأن هاد اللوبي وصل لدرجة الضغط على البرلمان باش ميهضرش عليه. وخاص دبا زيار ليهم ماشي غير اكديطال حتى لوبي السملالي وغيرو، خاص تزيار وباركا من “التلاعب بصحة وجيوب المرضى” وباركا من استغلال مشروع سيدنا للتغطية الصحية الاجبارية لجميع المواطنين.