الرئيسية > آش واقع > سكوب. ملايرية كيترزاو فماگانات غاليات بزاف. 27 شكاية فباريس و47 فميلانو واخر كريساج تعرضو ليه عيالات فماربيا ورجل اعمال فميلانو داو ليهم ساعات ثمنها ما بين 15 مليون و100 مليون والشفارة غالبيتهم مغاربة
25/08/2019 12:00 آش واقع

سكوب. ملايرية كيترزاو فماگانات غاليات بزاف. 27 شكاية فباريس و47 فميلانو واخر كريساج تعرضو ليه عيالات فماربيا ورجل اعمال فميلانو داو ليهم ساعات ثمنها ما بين 15 مليون و100 مليون والشفارة غالبيتهم مغاربة

سكوب. ملايرية كيترزاو فماگانات غاليات بزاف. 27 شكاية فباريس و47 فميلانو واخر كريساج تعرضو ليه عيالات فماربيا ورجل اعمال فميلانو داو ليهم ساعات ثمنها ما بين 15 مليون و100 مليون والشفارة غالبيتهم مغاربة

هناء ابو علي كازا ///

عملت “كود” ان رجل اعمال بيضاوي معروف ترزا فماگانا السيمانا اللي فاتت فدوومو وسط ميلانو الايطالية فماگانا ثمنها 65 مليون سنتيم. كان السيد كيتسارى مع مراتو اللي دايرة ماگانا غالية حتى هي ولكن بلغ بيه شي حد ودازو من حداه جوج مغاربة لابسين نايك وبالكيتور قطعو ليه سمطة الماگانا اللي ما كانش بالحديد وغبرو. رجل الاعمال دار شكاية ولكن مشات على عينيه ضبابة.

قبل هاد الحادث وقعات شفرة اخرى هوليودية فماربيا جنوب اسبانيا. وفق مصدر “كود” “شي عيالات مغربيات مقصرات ما عرفوش باش تبلاو وترزاو فماگاناتهم وسيكانهم. الشفارة عينهم غير فالساعات.

هاد الشي ماشي جديد. وفق مصدر ل”كود” فان حوالي 27 شكاية على شفرة ماگانة تحطوها مغاربة عند البوليس غير فباريس بوحدها. اكثر الدوبل ديالها تحطات فميلانو. 47 شكاية فعاصمة الموضة الايطالية حطوها مغاربة هاد العام. هاد الماگانات غالبيتهم باتيك فيليب وريشار ميل وروليكس. ثمنهم وفق خبير مغربي ل”كود” كيتراوح ما بين 15 مليون وكيوصل حتى ل100 مليون سنتيم.

وفق مصدر “كود” فان شفرة لماگن اللي كيعرضو ليها لمغاربة كاينة حتى فبرشلونة وكوسطا ديل سول جنوب اسبانيا. طبعا يضيف مصدر “كود”٬ راه حالات السرقة اكثر بكثير من هاد الارقام٬ حقاش كاينين شي وحدين معروفين كيديرو بناقص وما كيحطوش لا شكاية لا غيرها. ما باغين شوهة.

الشفارة غالبا يشرح مصدر “كود” مغاربة “هادو كيخدمو كعصابة مع مخبرين ديالهم كيكونو خدامين فمحلات الماركات العالمية. كيعرفو ثمن لماگن. غير كيشوفو شي زبون مغربي او غيرو وداير شي ساعة غالية كيخبرو صحابهم اللي كيكونو يتسناهم فالخارج. كيتبعوهم٬ يشرح مصدر “كود”٬ وكيخدموهم بالفن.

وفق مصدر “كود” فحتى ايلى شفرو هادو شي صاك غالي ومعاك الماگانة كيرجعو الباسبور ولوراق لماليه بطريقتهم.

البوليس تماك ما كيتسوقش للشكايات. شي وحدين كيدروها حقاش كيحتاجوها فالتأمين. شي حالات دايرين تأمين على ماگاناتهم الى تشفرو.

طبعا كاين سوق كبير ديال هاد الشي المسروق. كيبيعوهم فالسوق السوداء فاوربا ولا غيرها.

موضوعات أخرى