الرئيسية > آش واقع > سكوب. مقرب من مولاي حفيظ العلمي ل”كود”: الوزير ماشي اكسيونير لا فمجموعة ليكونوميست ولا فكارفور اللي شرات المجموعة مع اخرين
04/07/2020 12:00 آش واقع

سكوب. مقرب من مولاي حفيظ العلمي ل”كود”: الوزير ماشي اكسيونير لا فمجموعة ليكونوميست ولا فكارفور اللي شرات المجموعة مع اخرين

سكوب. مقرب من مولاي حفيظ العلمي ل”كود”: الوزير ماشي اكسيونير لا فمجموعة ليكونوميست ولا فكارفور اللي شرات المجموعة مع اخرين

كود هناء ابو علي ///

دارت خبار مؤخرا ان وزير الصناعة والتجارة والتكنلوجيات الحديثة مولاي حفيظ العلمي مساهم فجوجت الشركات. قالو مساهم ف”ايكوميديا” اللي كتملك “ليكونوميست” و”الصباح” و”راديو اطلنتيك” ومدرسة للصحافة ومعاهم كذلك مطبعة عبر “ايكو برينت”. 

وقالو فالخبار الثاني ان الشركة اللي شرات هاد المجموعة فيها مولاي حفيظ مساهم كذلك من خلال انو مساهم ف”كارفور” ومعها “لابيل ڤي” مع زهير بناني. 

مصدر مقرب من الوزير ورجل الاعمال استغرب فتصريحو ل”كود” من ترويج هاد لخبار. المصدراكد ل”كود” باللي ماشي مستثمر فكارفور =لابيل ڤي” وما عندو علاقة بيها. 

اللي طلق هاد الشي وسوق ليه قبل ما يخرج هاد النفي هو اللي كيدعم تركيا وكيقول ان هاد كارفور و”لابيل ڤي” بغات تضرب “بيم” التركية وباللي كاينة حروب ضد تركيا. معروف شكون كيدافع علي تركيا واردوگان فالمغرب. 

المصدر زاد ل”كود” معلومة اخرى وهي ان مولاي حفيظ العلمي ماشي مساهم ف”اايكو ميديا”. هاد المجموعة اللي باع فيها مؤسسها عبد المنعم دلمي ونادية صلاح حصتهما بجوج اي حوالي 70 بالمائة لواحد الهولدينك دارو شي لبناني ما كان كيعرفو حد اسمو مولوي ومعاه دخلو صحاب كارفور لابيل ڤي٬ فصفقة مثيرة جات فوقت كيعرف القطاع ازمة كبيرة بزاف

موضوعات أخرى

14/08/2020 09:14

المغرب لعب دور فهاد العلاقات الاماراتية الاسرائيلية. نسيب ترامب وكبير مستشاريه تلاقى بمحمد بن زايد فالمغرب هادي عام. دابا واش الرباط غادية تكون هي الثانية بعد ابو ظبي وتفتح سفارتها فتل ابيب؟

14/08/2020 08:00

صحاب الدياليز كيعانيو مع كورونا.. شي مراكز دالتصفية كتتهرب من استقبالهم وكيلقاو صعوبة فولوج الخدمات الصحية.. والمرابط لـ”كود” : هذ الفئة عندها أولوية فالكشوفات على الفيروس.. واللي مصاب كيستفد من العلاج منعزل على لخرين