أنس العمري – كود///

“كود” جابت ليكم بعض التفاصيل على حياة ولد سباتة اللي دار البوز فمواقع التواصل الاجتماعي بعد نشر فيديو كيبان فيه فرحان بعد ضرب ملايين صحيحة فالقمر.

الشاب، اللي كان حديث العالم الافتراضي أخيرا، واللي معروف باقتناء الحديد واللباس الإكساسوارات الغالية، ضرب ضربتو فكزينة منتجع مازاغان بالجديدة. وحسب ما علمته “كود”، فقد تحصل فديك الليلة على مبلغ 45 مليون سنتيم وهي اللي بان كيشتتها في أحد غرف “مازاغان”.

ولكن ولد سباتة مربح هاد الربحة حتى كلاها فعظامو. فقبل فوزه بهاد المبلغ خسر 100 مليون في كازينو المنتجع المذكور.