كود اسماء غربي الرباط ////
استغرب قيادي من “العدالة والتنمية” ما جاء في كلمة ابن عرفة حزبه سعد الدين العثماني. المصدر قال ل”كود” ان ما تضمنته كلمته امام برلمانيي الحزب ما كالش كلشي. بمعنى ان ابن عرفة فشي شكل. المصدر قال ل”كود” “السي العثماني ما قالش فكلمتو باللي كلنا فالحزب ما كانش عندنا خبار باللي الاتحاد الاشتراكي كاين فالحكومة وان هاد القرار خداه بعد التعيين وجا وقال باللي هاد الحزب كاين”.
دابا العثماني وفق هاد المصدر الموثوق ل”كود” كال ليه شي حد ولا خدا القرار بوحدو ولا ما عرفتش اش وقع ولكن ماشي الحزب ولا الامانة العامة اللي خدات القرار. اي انه حط كلشي امام الامر الواقع.
الفيديو اللي تحدث فيه مع نواب الحزب قال كلام اخر. السيد كيقول باللي الامانة العامة للي قررات فيما ان الحقيقة انه جا وجاب هاد الشي وكلشي فهم باللي هادي اشارة من شي جهة ودار اجتهاد وحتى واحد ما اعترض.
التناقض اللي طاح فيه ابن عرفة ان حزبو والامانة العامة فيه وبعد اقالة بنكيران خرجات بيان الخميس كتقول باللي اللي غادي يجي بعدو عندو نفس الشروط اي لا قبول بحزب الوردة. هاد الاجتماع تم قبل تعيين بنعرفة رئيسا للحكومة =تم يوم الجمعة=
دابا باش قبل الذل المرة الاولى وقبل يكون دمية صافي الباقي غير تفاصيل وصافي
