كود هناء ابو علي ////
البارح الاحد كان عرس ولد الياس العماري. كانت عائلة لعروس دارت نهار الجمعة عرس فبولو فكازا والبارح عرس لعريس. المفاجأة الكبيرة اللي وقعات فهاد العرس واللي عندها معني سياسي وقراءات كثيرة هو الضيوف اللي غاديين يحضرو لعرس الياس. السيد اللي استاقل من قيادة التراكتور ورجع بنفس الطريقة اللي استاقل بها.

العرس وفق مصادر “كود” واللي نشروه فنانة منهم الحاجة حليمة: شيخة معروفة عزيزة على لفاسة والقصر. ولكن الضيوف اللي كانو كثار وكبار. اشهر واحد كان حاضر للعرس هو فؤاد عالي الهمة مستشار الملك وصاحب الياس العماري تقول مصادر “كود”. حضر كذلك تضيف مصادر “كود” وزراء من حكومة ابن عرفة بحال مولاي حفيظ العلمي وزير التجارة والصناعة والتكنلوجيات الحديثة وحضر محمد بوسعيد وزير الاقتصاد والمالية وحضر عبد السلام احيزون الرئيس المدير العام ل”اتصالات المغرب” وحضر التامك المندوب العام للسجون واعادة التأهيل وحضر الوزير المنتدب في الداخلية الشرقي الضريس

وفق مصادر “كود” فان رجال الاعمال حتى هما كانو بحال مول الضحى انس الصفريوي ومول “بالموري” برادة بالاضافة الى رجال اعمال اخرين. وحضر شخصيات اخرى من المحاماة والمجتمع المدني وعالم الاشهار بحال صديقو كريم بناني رئيس الجامعة الملكية لكرة القدم ومدير الميزانية بوزارة المالية فوزي لقجع ومصطفى باكوري رئيس جهة كازا ومحاند العنصر رئيس الحركة بالاضافة الى شخصيات كثيرة وناس عاديين من عائلة العريسين

غابو بعض السياسيين من البام وما حضروش. بنشماش حضرات عائلتو السيد مسافر لالمانيا وشي وحدين ما جاوش