كود الرباط ///

دابا شكون يتحاسب مع اللي كيخسرو مجلس المستشارين من نهار بدات ولايتو؟ حتى حد. والو ما كاينش للي يقدر يتحاسب معاه. لا المجلس الاعلى للحسابات. لا القضاء. والو. خارج المحاسبة “ما يقدر حد يتحاسب معاه، ماشي غير هاد الشي٬ اللي داز من حسابات العام اللي فات ما نقدروش حتى فالمجلس نجبدوه”، يوضح مستشار عن المعارضة من مجلس المستشارين ل”كود”

مصدر ل”كود” اكد باللي تسيير المجلس دابا غادي عكس خطاب التخليق اللي هدر عليه سيدنا. 

علاش ما كايناش المحاسبة؟ مصدر اخر اكد ل”كود”  باللي واحد اللجنة اسمها اللجنة 13 فمجلس المستشارين هي اللي كيحدد كل سنة هاد الميزانية٬ واضاف ل”كود” باللي هاد اللجنة ما عمرها نعاقدات فعمر هاد الولاية. لكن كيفاش كتصرف لفلوس اي الميزانية؟ مصدر “كود” وضح بللي من بين 3 محاسبين فمجلس المستشارين كاين غير واحد وهو عبد الاله حيفظي عن الباطرونا هو اللي كيوقع على اي حاجة كتهم الميزانية وباللي محاسب =مستشار عن الاتحاد المغربي للشغل= رافض يوقع او يتورط كيف شرح مصدر “كود”.

“كود” تاصلات بفريق الباطرونا ولكن رفض يهدر شي عضو٫ ولكن مصدر فالباطرونا اكد ل”كو د” ان تصرفات حيفظي ما عندها علاقة بفريق الباطرونا ولا كيمثل الباطرونا اللي مع التخليق كيف قال سيدنا

دابا مكتب مجلس المستشارين مورط بصمتو. ما كيهدر ما كيتكلم علي هاد لفضيحة