كود موسكو ////

عاينت “كود” بفندق “ميتروبول” قرب الساحة الحمراء بموسكو ارهاصات فوز اميركي كندي مكسيكي بمونديال 2026. هاد الفندق اللي فيه لمغاربة تغير كليا. كان باين الامل على بعض اعضاء الوفد اللي تلاقاتهم “كود” قبل ساعتين٬ لكن دابا باينة عليهم منيسين٬ واخا عندهم لقاءات هاد الليلة ولكن لا يتوقع ان تغير شيئا في فوز اميريكي بات مؤكدا غدا فالتصويت فمؤتمر الفيفا.

لمغاربة اللي عاود سولاتهم “كود” مازال عندهم امل٬ ولكن الواقع حاجة اخرى فعدد الاصوات لم يتجاوز لحد 70 صوتا فيما امريكا قاربت المائة دون احتساب اصوات كثيرة ستربحها غدا بدعم الدولة العدوة المملكة العربية السعودية ليتم تأكيدها فانتخاب يوم غذ 13 يونيو. مصدر ل”كود” تابع هاد المفاوضات ديال اخر لحظة اكد “فينما تحرك المغرب فاسيا كتلقى سعوديون تابعينو وكيتلاقاوه باش يدفعوه يصوت على عمو ترامب. مصدر اخر استغرب من هاد الحماسة ل”كود” وقال “وا كندا ما دايراش هاد الشي اللي دايراه السعودية واخا هي غادية تحتاضن بعض المباريات”.

اذن السعودية لعبات دور شيطاني ضد من ضد الدولة اللي سنوات وهما كيكذبو علينا ويقولو شقيقة٬ ومن مكر التاريخ ان ايران غادية تصوت على المغرب بعد غد . شكون الصديق وشكون لعدو دابا